VOV4.K’ho- Drim 22/02, tàm Gơlăng Củ tịc, Củ tịc lơgar ồng Nguyễn Xuân Phúc tìp mat kwang đơng lam bồ mờ ală cau khoa họk, cau jak chài lơh sa Mpồl khoa họk lơh sa Việt Nam. Mờ bơhiàn 47 nam bơt bơtàu mờ dờng pràn, Củ tịc lơgar kơp kờñ Mpồl khoa họk lơh sa Việt Nam đơs is, ală cau khoa họk gùt lơgar đơs bal pal lòt lài dùl cơnđuà tàm broă lơh kơlôi sơnơng nàng pơn jat tai tă bơsong ală bơta kòl yan bơh rài lơh sa dê tơnơ̆ 35 nam tam gơl pa, bơh hơ̆ lam lơh jat geh cồng nha Nghị quyết pơrjum dờng dơ̆ 13 bơh Đảng dê mờ bơta kơp kơnờm dà lơgar dờng pràn tàm nam 2045. Mpồl Khoa họk lơh sa Việt Nam geh crơng gơs nam 1975. Dùl tàm ală tơngume tờm bơh mpồl dê là tơnguh ală broă lơh pơlam gròi sền mờ cribơyai mpồl bơtiàn, lơh jat jơnau sồr bơh kwang đơng lam bồ ală gah broă lơh mờ ală tiah dê. Kuơmàng tus bal tàm broă lam lơh Rơndap broă mờ broă rơndap lơh 5 nam tus jat Nghị quyết pơrjum dờng dơ̆ 13 bơh Đảng dê.

Cau mblàng K’Duẩn