VOV4.K’ho- Drim ngai 17/03, tàm ƀòn dờng Hồ Chí Minh, Củ tịc lơgar ồng Nguyễn Xuân Phúc neh đơng lam cribơyai dà lơgar dơ̆ 3 bè bơ̆t bơtàu dà lơgar gơnoar kơrnoăt boh lam. Cribơyai geh tơngume: “Ală broă pa, tam gơl pa tàm bơ̆t bơtàu mờ lơh sir gơs Dà lơgar gơnoar kơrnoăt boh lam xã hội củ nghĩa Việt Nam tus nam 2030, wèt sền tus nam 2045”.

Tơnơ̆ dùl ngai iăt kơno, cribơyai ală jơnau cih đơs, jơnau đơs tă pơgồp tàm dơ̆ cribơyai, Củ tịc lơgar ồng Nguyễn Xuân Phúc đơs, cồng nha pe dơ̆ cribơyai dà lơgar bè gah broă lơh do geh bơta kwơ dờng màng ngan, lơh nền ai bơta lơh geh cồng nha tŭ lam lơh jăt tàm bơta geh ngan mờ dùl khà jơnau yal tơngĭt uă ngan, geh bơta kwơ ngan nàng sac rwah, ai tơmŭt tàm tơngume bơh Rơndăp broă lơh dê mờ Rơcăng cih Kơrnoăt jun yal mờ Dà lơgar in. Củ tịc lơgar đơs sùm, Rơndăp broă lơh “Broă lơh bơ̆t bơtàu mờ lơh sir gơs Dà lơgar gơnoar kơrnoăt boh lam xã hội củ nghĩa Việt Nam tus nam 2030, wèt sền tus nam 2045” geh bơta kwơ dờng màng ngan. Do là tŭ tơngai niam ƀươn ngan, lơh gơlik bơta tam gơl tàm bơta tam gơl pa ală anih lơh broă cíñ trị, lơh geh jơnau kờñ bơtàu tơnguh rài lơh sa drà kă bro jăt gùng dà xã hội củ nghĩa mờ mŭt gơrờm bal mờ dunia.

Cau mblàng Lơ Mu K’Yến