VOV4.K’ho- Ngai 29/07, Ủy viên Ƀộ Cíñ trị, Củ tịc lơgar ồng Nguyễn Xuân Phúc neh đơng lam dơ̆ pơrjum dơ̆ bàr Mpồl duh broă Sền gàr dà lơgar mờ Lơngăp lơngai tơngai lơh broă bơh nam 2021- 2026.

Củ tịc lơgar ồng Nguyễn Xuân Phúc jờng rơ ală mpồl lơh broă ling klàng, mpồl lơh broă kwang àng, Mpồl lơh broă cribơyai broă mờ lơgar ndai mờ ală ƀộ, ƀan, ngàñ Dà lơgar neh rơcăng lài gĭt nền, yal tơngĭt, mblàng sền, sền swì, đơs lài bơta gơlik bơh broă tam lơh đah Nga mờ Ukraine dê, di tŭ tă pơgồp jơnau đơs, geh jơnau sồr, jơnau dan mờ kwang đơng lam bồ Đảng, Dà lơgar bè ală jơnau đơs, gùng dà broă lơh, broă rơndăp lơh sơndră wơl bơh sơnrờp dipal, di ngan. Mpồl duh broă neh cribơyai mờ ai jơnau đơs bè bơta gàr tơl priă jền tàm tơngai lài mờ đơs lài bơta gơlik geh tàm tơngai tus.

Mpồl duh broă sồr mpồl lơh broă kwang àng mờ ală mpồl lơh broă geh gơrềng bal tàm tơngai tus pơn jăt tai gàr niam ală cồng nha neh lơh geh, kơlôi sơnơng, tă pơgồp jơnau đơs mờ Đảng, Dà lơgar ală gùng dà broă lơh kung bè lam lơh dùl ròt bal, kràñ cê jơh nùs, geh cồng nha ală kơnòl broă, broă lơh gàr tơl broă lơh priă jền, pơgồp bơnah bơtàu tơnguh wơl mờ bơtàu tơnguh lơh sa- mpồl bơtiàn bơh dà lơgar dê.

Cau mblàng Lơ Mu K’Yến