VOV4.K’ho- Drim ngai 17/01, tàm ƀòn dờng Đà Nẵng, Mpồl đơng lam bơt bơtàu Rơndap broă “Broă rơndap lơh bơt bơtàu mờ lơh sir dà lơgar gơnoar adat boh lam Xã hội củ nghĩa Việt Nam tus nam 2030, broă wèt sền tus nam 2045” bơyai lơh pơrjum dà lơgar mờ tơngume “Pơn jat tai chồl pràn, tơnguh cồng nha broă lơh sền gàr adat boh lam lơh jat jơnau sồr bơt bơtàu mờ lơh sir dà lơgar gơnoar adat boh lam Xã hội củ nghĩa Việt Nam tus nam 2030,  gùng dà ai tơlik lài tus nam 2045”. Củ tịc lơgar ồng Nguyễn Xuân Phúc, Kwang atbồ Mpồl đơng lam bơt bơtàu Rơndap broă neh đơng lam pơrjum.

Đơs tàm pơrjum, Củ tịc lơgar ồng Nguyễn Xuân Phúc đơs niam ală kwang bàng neh geh uă jơnau đơs jơh nùs, lơh loh ală broă pal bơsong bơh broă rơndap lơh lơh niam wơl sền gàr adat boh lam pa, dùl tàm ală broă tờm bơh rơndap broă kuơmàng do dê. Ringbal mờ ală kwang bàng neh đơs, Củ tịc lơgar đơs là, tàm tŭ tơngai tam gơl gùt plai ù, mut gơ rờm bal dunia, lơh sa sồ, mpồl bơtiàn sồ mờ gơ rềng uă bơh dơ̆ kac màng kông nghiệp dơ̆ 4 dê tus tơl gah rài kis mpồl bơtiàn, jơnau sồr kuơmàng ai tơlik là pơn jat tai tam gơl pràn kơldăng rài sền gàr adat boh lam Việt Nam.

Cau mblàng K’Duẩn