VOV4.K’ho - Ngai òr (06/02), tàm ƀlàng tiah tềl kah yau rài chài rơgơi lài do dà lơgar dê Đền Hùng, ƀòn dờng Việt Trì, càr Phú Thọ, Củ tịc lơgar ồng Nguyễn Xuân Phúc lam sồr satềp tam chi Rài rài kah ưn ngài Bác Hồ.

Broă lơh do geh Ƀộ Nông nghiệp mờ phàt triển Nông thôn bal mờ UɃÑZ càr Phú Thọ pơgồp bal bơyai lơh. Đơs tàm pơrjum, Củ tịc lơgar ồng Nguyễn Xuân Phúc hòi jà tơl nă cau, tơl hìu, tơl anih lơh broă, mpồl lơh broă pal pơgồp bal mùl màl, lơh jăt broă tam 1 tơmàn tờm chi tàm tơngai bơh nam 2021 tus 2025, tài dùl dà lơgar Việt Nam tơlir, pơgồp bal tàm broă bơ̆t bơtàu dà lơgar he sùm tơlir niam mờ kơl jăp. Củ tịc lơgar kung sồr càr Phú Thọ tam ờ uă ngan 2 tơlăk tờm chi tàm nam do bè rơndăp broă neh geh ai. Tàm hơ̆ nam 2020, Thủ tướng Chính phủ neh geh Cỉ thị sồ 45 sồr bơyai lơh satềp tam tờm chi mờ tơnguh broă sền gàr tơnguh bơtàu brê nàng lơh jăt broă tam 1 tơmàn tờm chi “Tài dùl lơgar Việt Nam tơlir”. Nam 2021, Thủ tướng Chính phủ neh kĭ rơndăp broă sồ 524 mờ tơngu me geh ai tus jơh nam 2025, gùt lơgar tam geh 1 tơmàn tờm chi.

Cau mblàng Ndong Brawl