Đơs tàm dơ̆ jàu kơnòl broă, ala mat Kwang đơng lam bồ Đảng mờ Dà lơgar, Củ tịc lơgar ing gờm chờ 15 nă Đại sứ geh tơn pồ at gơnoar broă, pin dờn ală Đại sứ rơ̆p lơh sir jak ngan kơnòl broă geh jàu.

Củ tịc lơgar ing sồr ală Đại sứ đơng lam anih lơh broă ala mat lơgar Việt Nam tàm lơgar ndai ngui niam bơhiàn ờs mờng mờ bơta niam bơnĕ cribơyai broă mờ lơgar ndai bơh bèp ồng dê, ngui niam ngan ală mpồl kwang bàng cribơyai broă mờ lơgar ndai mờ mpồl kwang bàng cribơyai broă mờ lơgar ndai rài Củ tịc Hồ Chí Minh dê, jak chài, ngăc ngar mơya kung kơ̆ nùs pràn kơl dang, kràñ cê jơh nùs, khin cha kơ̆ dơn; lơh jat niam jơnau sồr bơh Tổng Ƀí thư ồng Nguyễn Phú Trọng dê tàm Pơrjum lơh broă mờ lơgar ndai gùt lơgar lam lơh jat Nghị quyết Pơrjum dờng dơ̆ 13 bơh Đảng dê; ngui tŭ tơngai niam, sơr lèt gan tơl bơta lòng nàng lơh sir jak ngan kơnòl broă mờ Đảng, Dà lơgar mờ làng bol pin dờn dờp jàu.