Đơs tàm dơ̆ bơyai lơh, Củ tịc lơgar ing mò Võ Thị Ánh Xuân đơs là, tam gơl sồ là kơnòl kal ke, uă bơta lòng, sồr pal geh bơta đơng lam, sồr lơh tơrgùm bơh Đoàn dà lơgar; bơta lơh ngan uă, ngac ngar, bơceh pa bơh ală kâp ƀộ Đoàn dê; bơta tus bal jơh nùs, lam lài bơh cau kơnòm să gùt lơgar dê nàng lơh gơs srơh jrô ơnàng, pơgồp bơnah ai Việt Nam gơ gơs lơgar sồ, kơ̆ kơljap mờ pas sơm, lam lài ngui tơrlòng lài ală kông nghệ mờ broă lơh pa tàm nam 2030.

Tơnơ̆ dơ̆ sơn đờm lam lơh neh geh uă broă lơh geh lơh bè: Còp, pà phan ai ală kơnòm bơsram, ơruh pơnu kông ñân geh rài kis kal ke, ală mè Việt Nam khin cha jak chài in; jàu pà ală broă lơh, bơnah broă ơruh pơnu geh kuơ. Kờp jơh ală phan pà, broă lơh jàu pà tàm càr Bình Thuận bơh Đoàn dà lơgar dê tàm Dơ̆ sơn đờm lam lơh Nhai ơruh pơnu là mờr 15 tơmàn đông.