Củ tịc lơgar ồng Võ Văn Thưởng neh tus bal mờ jàu ală phan ƀàn dờng màng bơh Đảng, Dà lơgar dê pà ală mpồl cau mờ cau dùl nă să is in tàm dơ̆ bơyai lơh.

Đơs tàm dơ̆ bơyai lơh, Củ tịc lơgar ồng Võ Văn Thưởng chờ hờp mờ jờng rơ mpồl Jòi sền jơnau ndơ̆p ndơr Sền gàr dà lơgar dê tàm jơh ală tŭ tơngai mờr 78 nam bơ̆t bơtàu, tam lơh mờ dờng kràñ, tă pơgồp dờng ngan tàm broă lơh dong klàs jơi bơtiàn, tơrgùm dùl dà lơgar lài do, kung bè broă lơh bơ̆t bơtàu mờ sền gàr Dà lơgar tŭ do. Tàm tơngai tus, Củ tịc lơgar sồr mpồl Jòi sền jơnau ndơ̆p ndơr Sền gàr dà lơgar tàm khăt dùl jơnau gơlik geh lơi, bơta lơi kung pal sùm kơ̆ nùs lơh jăt jơnau pal jăt Đảng lam bồ jơh, lam bồ tơn bè ală bơta. Jòi sền jơnau ndơ̆p ndơr Sền gàr dà lơgar kờñ pal pơn jăt tai lơh jăt niam gơnoar broă là anih lơh broă jòi sền jơnau ndơ̆p ndơr pràn kơldang bơh Đảng, Dà lơgar dê mờ anih lơh broă jòi sền jơnau ndơ̆p ndơr mìng gah ling klàng bơh Quân ủy Dà lơgar, Ƀộ Quôk phòng dê; drơng broă jak chài, geh cồng nha ai Kwang đơng lam bồ Đảng, Dà lơgar, Quân ủy Dà lơgar, Ƀộ Quôk phòng in tàm tŭ sền swì, đal gĭt nền broă gơlik geh, gĭt nền gùng dà, broă lơh mờ bơsong ală jơnau digơlan gơlik geh, ờ gŏ di lời gơtìp rơmơ̆p ndơl, nisơna...sùm dipal là “tồr, măt” bơh Đảng, Dà lơgar mờ Mpồl ling klàng dê.