VOV4.K’ho- Drim ngai 09/06, Ƀiñ đoàn 11, Ƀộ Quôk phòng bơyai lơh Dơ̆ tơngkah kir sơnrai 40 nam Ngai bơhiàn Ƀiñ đoàn (11/06/1982- 11/06/2022) mờ dờp Gai lòng Sền gàr Dà lơgar khà Pe. Tàm dơ̆ bơyai lơh, ala măt kwang đơng lam bồ Đảng mờ Dà lơgar, Củ tịc lơgar ồng Nguyễn Xuân Phúc jàu Gai lòng Sền gàr Dà lơgar khà Pe pà Ƀiñ đoàn 11 in.

Đơs sồr lơh tàm dơ̆ bơyai lơh, Củ tịc lơgar đơs nền Ƀiñ đoàn 11 tơngŏ geh bơta pràn jak tơl làm tàm rơndăp lơh, lơh ală broă bơ̆t bơtàu tờm kwơmàng bơh Ƀộ Quôk phòng dê; lơh mpồl cau tờm tàm gah broă lơh bơ̆t bơtàu tờm ngan bơh mpồl ling klàng dê, tàm hơ̆ pơnrơ ngan là broă lơh bơt bơtàu Hìu Quôk hội Lào geh bơyô jờng rơ ngan, pơgồp bơnah tơnguh uă bơngă mờ bơta pin dờn bơh dà lơgar, Mpồl ling klàng he dê mờ sơlơ lơh niam rlau tai bơta tam klăc lơh bơyô bal kwơmàng đah Việt Nam mờ Lào.

Lơh jăt kơnòl broă tàm tơngai tus, Củ tịc lơgar sồr Ƀiñ đoàn 11, Ƀộ Quôk phòng pơn jăt tai lơh jăt niam rlau tai gơnoar broă, kơnòl broă bơh Mpồl ling klàng dê, ngui niam bơta pràn bơh mpồl lơh sa kă bro mpồl ling klàng dê tàm broă lơh jăt pơgồp bal bơtàu tơnguh lơh sa mờ lơh kơ̆ kơl jăp sền gàr dà lơgar, lơngăp lơngai.

Cau mblàng Lơ Mu K’Yến