VOV4.K’ho- Mho ngai 25/04, Củ tịc lơgar ồng Nguyễn Xuân Phúc, Kwang ătbồ Mpồl duh broă Sền gàr dà lơgar mờ Lơngăp lơngai lòt còp, lơh broă mờ lòt sền broă lơh jăt kơnòl broă ling klàng sền gàr dà lơgar tàm Quân khu 1. Đơs tàm dơ̆ lơh broă, Củ tịc lơgar ồng Nguyễn Xuân Phúc đơs sùm, tơngai do, Gah đơng lam Quân khu 1 neh sùm lơh jăt niam ală kơnòl broă ling klàng mờ sền gàr dà lơgar tàm tiah do.

Củ tịc lơgar ồng Nguyễn Xuân Phúc tàp Mpồl ling pơñiờ să Quân khu 1

Kwơmàng, Mpồl ling klàng phàu crong Quân khu neh bal mờ kâp ủy, gơnoar ătbồ tiah do lơh bal geh cồng nha broă lơh rơcăng sơndră mờ bơsong jơnau gơlời wơl bơh trồ tiah lơh aniai, dong kờl rềs àr...srơh kis gĭt jơnau gĭt adat, tơn jơh jơgloh tơrmù rƀah, ală broă lơh dong kờl, tă pơgồp lơh broă niam, rơcăng sơndră kòp dờng Kovid-19...pơgồp bơnah lơh niam bơnĕ rlau tai muh mat “Cau ling Wa Hồ” tàm nùs nhơm làng bol.

Củ tịc lơgar tơngkah, Mpồl ling klàng phàu crong Quân khu 1 pal sùm jơh nùs lơh ngan lơh gơs niam ngan rlau jơh jơh ală kơnòl broă ling klàng, sền gàr dà lơgar, rơcăng tam lơh mờ tam lơh sền gàr Dà lơgar tàm tŭ tơngai pa, cih tai ală pang sră cih jơnau kah yau pơnrơ ngan bơh Tiah tam lơh khu 1, Liên khu 1, Liên khu Việt Ƀắc, Quân khu Việt Ƀắc nam yau mờ Quân khu 1 ngai do.

Cau mblàng Lơ Mu K’Yến