Tus bal Dơ̆ bơyai lơh kah kơlôi, ală kwang bàng lòt còp tiah ơn prăp phan kwơ yau, pơrđồng bơkàu đèng tàm dà, kah wơl bal jơnau gơlik geh 35 nam lài- Dơ̆ tam lơh àng drim gờñ ngai 14/03/1988 tàm Gạc Ma neh gơlòt mŭt tàm jơnau kah yau jơi bơtiàn là dùl tềl lời wơl ờ gŏ tŭ lơi rơgơi hŭi tàm nùs nhơm bồ tơngoh bơh tơl nă làng bol Việt Nam dê. Tàm Dơ̆ bơyai lơh kah kơlôi, ală kwang bàng dùl nùs bal kun bồ ki ngàm chu ñàng, pơdơng bơkàu tàm rùp mòn kah kơlôi mờ tiah bơtô ƀồc lơh pơrya gời kah kơlôi 64 nă cau ling khin cha jak chài, chơ̆t màng neh phi să tàm Gạc Ma. Tàm dơ̆ lơh đơs crih tam ya tàm Dơ̆ bơyai lơh kah kơlôi, Mpồl bơyai lơh neh pơgồp bal mờ ală mpồl jàu phan pà cau pròc mhàm cau ling chơ̆t màng in, jàu priă dong kờl bơsram dong kờl kơnòm bơsram mờ jàu bồng bi Dà lơgar pà làng bol lơh ka in.