VOV4.K’ho- Drim ngai 05/04, tàm Hìu duh broă Củ tịc, Củ tịc lơgar ồng Nguyễn Xuân Phúc neh lơh broă mờ Mpồl Cữ thập đỏ dà lơgar Việt Nam bè lam lơh jăt Nhai lơh broă niam dong kờl cau nam 2022. Nam do, Mpồl Cữ thập đỏ dà lơgar Việt Nam geh Broă rơndăp lơh lam lơh jăt Nhai lơh broă niam dong kờl cau nam 2022 mờ tơngume: “Tam klăc bal mpồl bơtiàn- Lơh gơrề broă lơh kờñ gơboh kòn bơnus” mờ ală broă lơh, bè: lam lơh dơ̆ lơh uă hòi jà bơta pràn tài jơnau kờñ lơh broă niam dong kờl cau; lơh pràn broă lơh mblàng yal ală bơta kwơ lơh broă niam dong kờl cau mờ lơh broă cữ thập đỏ; sơlơ lơh tai ală broă lơh dong kờl lơh broă niam dong kờl cau tàm mpồl bơtiàn, kờp sền, sền swì, mờ tă pơgồp jơnau đơs tàm ală gùng dà broă lơh dong kờl geh gơrềng tus broă lơh lơh broă niam dong kờl cau mờ bơyai lơh Mpồl.

Củ tịc lơgar ồng Nguyễn Xuân Phúc đơs tàm dơ̆ lơh broă

Sồr tàm dơ̆ lơh broă, Củ tịc lơgar ồng Nguyễn Xuân Phúc ring bal broă bơyai lơh Dơ̆ lam lơh Nhai lơh broă niam dong kờl cau kâp dà lơgar nam 2022 jăt jơnau sồr bơh Mpồl dê mờ ring bal broă bơyai lơh sền wơl bơh sơnrờp lơh jăt Cỉ thị sồ 18 nam 2018 bơh Thủ tướng Cíñ phủ dê bè tơnguh uă cồng nha broă lơh lơh broă niam dong kờl cau mờ lơh broă cữ thập đỏ tàm tŭ tơngai pa.

Cau mblàng Lơ Mu K’Yến