Tàm dơ̆ wă, 2 nă kwang đơng lam bồ ring bal đơs là, broă 2 lơgar bơyai lơh bal kir sơnrai broă lơh kah yau 50 nam dơ̆ lòt còp bơh Kwang atbồ lơgar Cuba lài do ồng Fidel Castro dê tus tiah Tơngklàs đah jum dà lơgar Việt Nam nàng tơngŏ bơta sền dờng màng ală phan lời wơl bơh Củ tịc Hồ Chí Minh dê, Kwang đơng lam bồ lơgar Cuba lài do ồng Fidel Castro mờ uă rơnàng kwang đơng lam bồ, làng bol 2 lơgar neh lời wơl ai bơta gĭt gơ̆p đah Việt Nam mờ Cuba. Đảng, Dà lơgar Việt Nam mờ Cuba rơ̆p pơn jat tai bơto bơtê ală rơnàng kơnòm să 2 lơgar in nàng prap gàr, bơt bơtàu ai bơta gĭt gơ̆p lơh bơyô oh mi mờ lơh broă bal kwơ màng đah Việt Nam mờ Cuba.

Jat tàm ală bơta gĭt gơ̆p oh mi kwơ màng, Củ tịc lơgar ồng Võ Văn Thưởng sồr 2 lơgar pơn jat tai pơgồp bal niam nàng chồl tơnguh bơta gĭt gơ̆p lơh broă bal bơh broă lam lơh geh cồng nha ală cribơyai kwang bàng kấp dờng, ală gùng dà broă lơh lơh broă bal neh geh lài, lơh jat niam geh cồng nha ală gùng broă lơh tìp mat cribơyai mờ lơh broă bal đah 2 gah dê.