Broă lơh geh pờ tơlik tơn tàm internet ală pang internet mpồl bơtiàn bơh Đoàn dà lơgar, Hội đồng Đội dà lơgar, bơta ứng zụng “Ơruh pơnu Việt Nam” mờ geh tàm tơrbŏ pờ tơlik tơn tàm internet mờ 14 anih pờ tơlik tàm ală càr, ƀòn dờng là Hà Giang, Hà Nội, Lào Cai, Ninh Bình, Hải Phòng, Quảng Ninh, Hà Tĩnh, Dăk Lăk, Lâm Đồng, Đồng Nai, Bình Dương, ƀòn dờng Hồ Chí Minh, Bến Tre, Kiên Giang. Mìng is tàm anih pờ tơlik tơn tờm ngan là Bình Phước geh 1 rbô nă oh dềt tus bal mang chờ. Geh bơyai lơh uă bơh ngai 19/9 tus ngai 29/9 nam do, Broă lơh sa tềp Trung thu ai oh in “Đèng gŭ sòl pơn đàng bơta kơp kờñ” neh mờ gam geh Đoàn ơruh pơnu, Hội đồng Đội ală kâp, ală mpồl lơh broă Đội bơyai lơh mờ uă broă lơh li la ngan bal mờ rlau 5 tơlak nơm đèng gŭ mờ phan pà Trung thu jàu pà ai ală oh dềt tàm gùt lơgar in. Do là phan pà mang Trung thu lời ai ală sau dềt geh rài kis kal ke in.

Đơs tàm mang chờ, Củ tịc lơgar ồng Võ Văn Thưởng pơyua tus ală oh pa tàu, oh dềt gùt lơgar jơnau lùp còp đềt mềr mờ kơp kờñ Đoàn Ơruh pơnu Kộng sản Hồ Chí Minh mờ ală anih lơh broă, mpồl lơh broă mờ jơh bal gùt mpồl bơtiàn bal mờ gơp pơn jat tai at tê bal nàng “nam lơi ală sau pa tàu, sau dềt kung geh chờ hờp, bơceh lơh, tam pà bal bơta chờ hờp.