VOV4.K’ho- Tàm dơ̆ lòt lơh broă tàm ală càr tiah ring đah jum măt tơngai mŭt dà lơgar, drim ngai 07/04, Củ tịc lơgar ồng Nguyễn Xuân Phúc neh lòt còp, nting bơr gờm chờ sa tềp bơhiàn yau Chol Chnam Thmay tàm Họk viện Yàng phờk Nam tông Khmer geh lơh tàm quận Ô Môn, ƀòn dờng Cần Thơ.

Họk viện Yàng phờk Nam tông Khmer tàm ƀòn dờng Cần Thơ geh lơh tàm nam 2006 nàng bơto cau bơsram Khmer tàm kâp bơsram kử ñân. Kờp bơh tŭ crơng gơs tus tŭ do, Họk viện neh bơto geh 5 khoă mờ rlau 200 nă cau bơsram jơh bơsram kử ñân Bơsram gah yàng Phờk, pơgồp bơnah tơnguh uă bồ tơngoh gĭt wă cau bơsram, ală cau duh broă yàng phờk tàm ală hìu yàng Phờk Khmer tiah ring đah jum măt tơngai mŭt dà lơgar. Tàm nùs nhơm rơcăng wă rò sa tềp bơhiàn yau Chol Chnam Thmay, đơs tàm Họk viện, Củ tịc lơgar lơgar ồng Nguyễn Xuân Phúc nting bơr gờm chờ ală cau duh broă yàng phờk, ală cau duh broă yàng Phờk Nam tông Khmer; mơkung pơyua jơnau còp să, nting bơr gờm chờ sa tềp tus mờ jơh ală làng bol Khmer jăt yàng Phờk wă rò sa tềp bơhiàn yau Chol Chnam Thmay nam 2022 bềng lìu pràn kơldang să jan, ring lơngai, chờ hờp mờ gơboh gơbài.

Cau mblàng Lơ Mu K’Yến