VOV4- Mang òr (28/04), tàm càr Thừa Thiên Huế, Mpồl Chữ thập đỏ Việt Nam pơgồp bal mờ UɃÑZ càr bơyai lơh Dơ̆ lam sồr Nhai lơh broă dong kờl nam 2022 mờ tơngu me “Pơgồp bal mpồl bơtiàn – Lơh geh uă broă lơh dong kờl” mờ tơnkah ngai Chữ thập đỏ mờ àng kơnhai mŭt mơ̆ dunia (08/05).

Củ tịc lơgar ồng Nguyễn Xuân Phúc tus mờ geh jơnau đơs tàm pơrjum. Nhai dong kờl kòn bơnus nam 2022 sơn đờm bơh ngai 01 nhai 5 lơh jơh tus ngai 31 nhai 5, gùt Mpồl lơh ngan lam sồr kờp dŭ geh 400 tơmàn đong nàng dong kờl 1 tơlăk nă cau geh rài kis gơtìp kal ke, tàm hơ̆ geh 100 rơbô anih dong kờl kòn bơnus. Kwơ màng, tàm dơ̆ lam sồr Nhai dong kờl kòn bơnus nam 2022, Mpồl Chữ thập đỏ Việt Nam lam lơh 2 broă lơh tờm lơh jăt tàm 5 nam tus, hơ̆ là broă lơh: “Ờ do ờ dă ai cau lơh ka rơƀah, kal ke” mờ Phan sa bơkah kơnòm dềt rơƀah, koĕt kơl te”. Đơs tàm dơ̆ pơrjum, Củ tịc lơgar ồng Nguyễn Xuân Phúc hòi jà ală anih lơh broă, mpồl lơh sa kă bro, ală cau geh nùs nhơm niam mờ ală làng bol pơn jăt tai dong kờl, bal mờ Mpồl Chữ thập đỏ Việt Nam, bơ̆t bơtàu dùl mpồl bơtiàn tam klăc bal, geh uă nùs nhơm dong kờl, tài mpồl bơtiàn geh uă nùs nhơm kờñ gơboh.

Cau mblàng Ndong Brawl