VOV4.K’ho- Mho ngai 21/6, Củ tịc lơgar ồng Nguyễn Xuân Phúc bal mờ Mpồl Kwang bàng Quôk hội ƀòn dờng Hồ Chí Minh neh tìp mat cau tĕ khà là Ủy viên Ủy ƀan Mặt trận dà lơgar Việt Nam ƀòn dờng, ală cau geh bồ tơngoh jak, cau chài bơsram sră, cau kơ đơng yàng, cau duh broă ală gah jat yàng, cau geh bơngă pin dờn, cau geh pơn rơ jak tàm làng bol ală jơi bơtiàn kòn cau, cau chài cih sră niam chài đơs crih tamya tàm ƀòn dờng Hồ Chí Minh. Iat jơnau đơs bơh cau tĕ khà dê, Củ tịc lơgar ồng Nguyễn Xuân Phúc đơs, ală cau tĕ khà neh đơs uă broă kuơmàng bơh ƀòn dờng Hồ Chí Minh mờ dà lơgar, geh bal pin dờn jat yàng, bơto bơtê mờ bơsram, lơh sa, niam chài, tiah ơm kis, rơcang sơndră sa kuề sa kuà...

Đơs niam ală jơnau đơs jơh nùs bơh ală cau tĕ khà dê, Củ tịc lơgar ồng Nguyễn Xuân Phúc đơs loh, jơnau kờñ tus nam 2045 lam lơgar he gơ gơs lơgar bơtàu tơnguh geh priă jền lơh geh uă là bơta lòng dờng ngan, sồr pal geh bơta pơgồp bal, tam klac bal tă pơgồp bơh tơl rơnàng mpồl bơtiàn, bơh ală cau geh bồ tơngoh jak, cau chài bơsram sră, cau kơ đơng yàng, cau duh broă ală gah jat yàng kung bè jơh gùt ală jơi bơtiàn kòn cau tàm lơgar Việt Nam. Củ tịc lơgar đơs nền, pah tŭ dà lơgar gơtìp kal ke, bơta tă pơgồp bơh ală cau jak chài dê sơlơ geh kuơ ngan ngồn rlau.

Cau mblàng K’Duẩn