VOV4.K’ho- Di dơ̆ tơngkah kir sơnrai 92 nam Ngai crơng gơs Đảng mờ rơcăng wă rò sơnam pa Sa tềp Ñâm Zần 2022, jăt bơhiàn ờs mờng bơh yau bơh jơi bơtiàn dê, Củ tịc lơgar ồng Nguyễn Xuân Phúc neh tus chu ñàng kah kơlôi ală kwang bàng đơng lam bồ Đảng, Dà lơgar neh sang rài. Mho ngai 25/01, Củ tịc lơgar ồng Nguyễn Xuân Phúc neh tus chu ñàng kah kơlôi ƀồc ồng Nguyễn Đức Cảnh di tàm dơ̆ rơcăng tơngkah kir sơnrai 114 nam Ngai deh bơh ồng dê (1908- 2022) tàm Hìu kah kơlôi ƀồc ồng Nguyễn Đức Cảnh dê, tàm ƀòn dờng Hải Phòng.

Củ tịc lơgar ồng Nguyễn Xuân Phúc chu ñàng kah kơlôi ƀồc Đại tướng ồng Võ Nguyên Giáp in

Kung tàm dơ̆ do sơl, Củ tịc lơgar ồng Nguyễn Xuân Phúc neh tus chu ñàng ƀồc Đại tướng ồng Võ Nguyên Giáp- Cau ling kăc màng khin cha jak chài kơ̆ nùs mờ dòn song, là kơnòm bơsram jak ngan mờ đềt mềr ngan bơh Củ tịc Hồ Chí Minh dê; Kwang đơng lam bồ dờng ling klàng mờ là cau Kwang ling bơh sơnrờp bơh Mpồl ling klàng làng bol Việt Nam dê. Củ tịc lơgar ồng Nguyễn Xuân Phúc neh tus chu ñàng ƀồc Đại tướng ồng Trần Đại Quang, Củ tịc lơgar lài do, Củ tịc Mpồl duh broă sền gàr dà lơgar mờ lơngăp lơngai, Kwang ătbồ Mpồl đơng lam lơh niam wơl sền gàr adat boh lam dà lơgar bơh nam 2016- 2018.

Cau mblàng Lơ Mu K’Yến