VOV4.K’ho- Mho ngai 16/02, Củ tịc lơgar ồng Nguyễn Xuân Phúc neh tus còp mờ pà phan, tơm bơh bơr mờ Mpồl kwang bàng đơng lam bồ, kông ñân mờ cau lơh broă tàm Kông ty Kổ phần Lơh jồr zờu Bình Sơn (càr Quảng Ngãi).

Chờ hờp lòt còp wơl broă lơh Hìu măy jồr zờu Dung Quất, sền gŏ cồng nha lơh sa kă bro niam ngan bơh Kông ty Bình Sơn dê, Củ tịc lơgar jờng rơ kông ñân, cau lơh broă Bình Sơn sùm lơh sir bơta niam chài bơh kông ty dê bơh broă lơh jăt ală bơta pal jăt loh làng song dơ pă ờ ndơ̆p mpồn. Kơnờm bè hơ̆, priă lơh geh bơh lơh sa kă bro bơh Kông ty dê sơrlèt 44%, lơh geh khà jơnhoa ngan rlau jơh bơh lài tus tŭ do bè priă cồng tơnơ̆ dia mờ geh uă cồng nha tam gơl pa bơceh pa pràn kơldang, geh cồng nha. Củ tịc lơgar kung sồr kwang đơng lam bồ càr Quảng Ngãi sền gròi, ai tơl bơta uă ngan rlau jơh, geh broă dong kờñ pal geh nàng “ơm kis kơ̆ kơl jăp mờ iang nùs lơh broă lơh sa” ai kông ñân, cau lơh broă bơh Kông ty Bình Sơn dê.

Cau mblàng Lơ Mu K’Yến