Củ tịc lơgar ồng Nguyễn Xuân Phúc chờ gờm Quốk hội lơgar Indoneisa neh bơyai lơh geh cồng nha Pơrjum Nghị viện mpồl G20 (P20), pơgồp bal bơnah dong kờl lơgar Indonesia lơh gơs jăk chài gơnoar Củ tịc Mpồl G20 nam 2022.

Đơs tờm lơgar Việt Nam geh lơh ngan kờñ bal mờ lơgar Indonesia dờp kơnòl geh cồng nha gơnoar broă lơh Củ tịc mpồl ASEAN kung bè Củ tịc Đại Hội đồng Nghị viện ală lơgar Đông Nam Á (AIPA) dơ̆ 44 nam 2023; Củ tịc Quốk hội lơgar Indonesia ring bal tơnguh broă cri bơyai nàng tam pà bal broă mờng chài bơ̆t bơtàu adăt boh lam mờ pơgồp bal sền gròi ală Jơnau ring bal lơh broă bal đah bàr lơgar nàng ngui gơnoar bơh anih lơh broă adăt boh lam bàr lơgar dê. Bàr gah ring bal tơnguh broă lơh bal nền nòn tàm ală pơrjum nghị viện uă lơgar ndai bè Mpồl nghị viện dunia (IPU), Pơrjum nghị viện câu Á-Thái Bình Dương (APPF), mờ tŭ lơi kung rơcang kờñ mờ nùs nhơm bal bè ală bơta tàm tiah do mờ tàm dunia geh sền gròi bal.