VOV4.K’ho- Tàm tơngai ơm tàm lơgar Nhờk tus bal Dơ̆ ies tơ̆p ƀồc kấp dà lơgar Thủ tướng lài do lơgar Nhờk ồng Shinzo Abe, Củ tịc lơgar ồng Nguyễn Xuân Phúc neh tìp mat cribơyai mờ Thủ tướng lơgar Nhờk ồng Kishida Fumio.

Củ tịc lơgar ồng Nguyễn Xuân Phúc cribơyai mờ Thủ tướng lơgar Nhờk

Tàm nùs nhơm gĭt gơ̆p lơh bơyô bal, rềp mềl mờ pin dờn, bàr nă kwang đơng lam bồ tơngŏ bơta niam nùs tềng đap bơta bơtàu tơnguh pràn kơl dang, tơl làm, geh ngan bơh bơta gĭt gơ̆p Việt Nam mờ Nhờk, mơkung ring bal bè gùng dà pơlam dờng nàng kờñ bơtàu tơnguh bơta gĭt gơ̆p  lơh broă bal jŏ jòng jrô ơnàng làm uă Việt Nam mờ Nhờk wèt tus tơngkah kir sơnrai 50 nam lơh bơta gĭt gơ̆p cribơyai lơh broă bal Việt Nam mờ Nhờk nam 2023. Bàr nă kwang đơng lam bồ ring bal pơn jat tai sơlơ tơnguh bơta pin dờn cíñ trị bơh gàr niam ală dơ̆ còp, tìp mat kwang bàng kấp dờng; sơlơ tơnguh lơh broă bal cribơyai, sền gàr lơngap lơngai, sền gàr dà lơgar, lơh sa geh cồng nha, geh ngan; sơlơ tơnguh tìp mat lơh kuèng làng bol, niam chài, nhơl chờ.

VOV.vn- Cau mblàng K’Hạnh