VOV4.K’ho- Drim ngai 20/6, tàm càr Bình Dương, Củ tịc lơgar ồng Nguyễn Xuân Phúc, Kwang atbồ Mpồl đơng lam bơtàu rơndap broă lơh “Broă rơndap lơh bơt bơtàu mờ lơh sir dà lơgar gơnoar adat boh lam xã hội củ nghĩa Việt Nam tus nam 2030, gùng dà ai tơlik lài tus nam 2045” đơng lam pơrjum ai jơnau đơs tă pơgồp bơh ală Tỉñ ủy, Thàñ ủy tiah đah jum dà lơgar dê tàm jơnau rơcang cih rơndap broă. Ală Tỉñ ủy, Thàñ ủy tiah đah jum dà lơgar sồr rơndap broă pal geh broă lơh lơh sir kơrnuat tam pà kơnòl broă, tam pà kâp, tam pà gơnap gơnoar đah dà lơgar mờ kâp hơ đơm pràn kơldang, loh làng rlau.

Đơs tàm pơrjum, Củ tịc lơgar ồng Nguyễn Xuân Phúc đơs, ală jơnau đơs bơh ală Tỉñ ủy, Thàñ ủy dê geh kơnòl ngan, mùl màl ngan, song dơpă, di mờ bơta geh ngan mờ geh uă cơng tàng pa. Củ tịc lơgar đơs nền tơnơ̆ 3 dơ̆ pơrjum mờ jơnau đơs tă pơgồp bơh 63 Tỉñ ủy, Thàñ ủy dê sơlơ ai gŏ broă bơt bơtàu mờ lơh sir dà lơgar gơnoar adat boh lam Việt Nam xã hội củ nghiã là pal geh ngan, là tơngume tờm bơh tam gơl pa cíñ trị tàm lơgar he dê mờ pơrjum dờng Đảng dơ̆ 13 neh đal git.

Cau mblàng K’Duẩn