Củ tịc lơgar ồng Nguyễn Xuân Phúc, Kwang atbồ Mpồl đơng lam neh đơng lam dơ̆ pơrjum. Đơs tàm dơ̆ pơrjum, Củ tịc lơgar ồng Nguyễn Xuân Phúc, Kwang atbồ Mpồl đơng lam sồr ală kwang bàng tàm Mpồl đơng lam sền wơl cồng nha lơh jăt ală kơnòl jăt mờ broă rơndăp lơh; pơn jăt tai cri bơyai pơgồp bal tàm tơngu me nền nòn jơnau yal Tơn jơh 10 nam lơh jăt Nghị quyết Dà lơgar 8 khoă 11.

Củ tịc lơgar đơs loh, Nghị quyết Dà lơgar 8 khoă 11 neh ai geh ală gùng dà, bồ tơngoh kơlôi sơnơng pa, là broă lơh pràn tàm broă đơng lam bơh Đảng gơwèt mờ kơnòl sền gàr Dà lơgar tàm 10 nam do. Den tàng, gùng dà lơh rơndăp broă Nghị quyết ala Nghị quyết Dà lơgar 8 khoă 11 pal geh tơl broă pơn jăt tai tơngu me gam geh bơta kwơ bơh Nghị quyết Dà lơgar 8; ală cồng nha, broă mờng chài mùl màl rơlao 30 nam tam gơl pa; bơtơl tơngu me pa di pal mờ mùl màl tŭ do.