VOV4.K’ho - Tàm ngai 3 nam 2022, Củ tịc lơgar geh đơng lam Pơrjum hòi jà bơcri priă tàm kơnhoàl Củ Chi, Hóc Mô n. Hơ̆ là jơnau yal geh Anih tờm hòi jà bơcri priă kă bro mờ bơcri priă ƀòn dờng Hồ Chí Minh pà git tàm pơrjum ƀăo jăt tơngai nàng yal bè broă lơh sa mpồl bơtiàn mờ rơcang sơndră mờ kòp Kovid-19 geh bơyai lơh mho òr (07/03).

Tàm pơrjum, Củ tịc lơgar ồng Nguyễn Xuân Phúc geh jơnau đơng lam. Bơdìh hơ̆ tai, Sở Quy hoạch-Kiến trúc bal mờ Sở Giao thông Vận tải kung yal bè gùng dà ai rơndăp ù tiah, gùng lòt bơh kơnhoàl Củ Chi mờ Hóc Môn in. Ala măt ală mpồl lơh sa kă bro kung cri bơyai tơn mờ kwang đơng lam UɃÑZ ƀòn dờng, ală sở, gah lơh broă mờ kĭ hơ kah bal bơcri priă đah ală sở, gah lơh broă, ală mpồl lơh sa kă bro... Tềng bơdìh Pơrjum kung geh ràng tơlik 55 rơndăp broă hòi jà bơcri priă mờ ală phan geh lơh bơh broă lơh sa suơn sre kông nghệ kao bơh bàr kơnhoàl gơrềng bal tus mờ gah bơ̆t bơtàu phan bơna, gùng lòt, lơh niam ƀòn drà, lơh sa mờ măi mŏk, lơh sa suơn sre... kờp jơh khà priă bơcri kờp dŭ là 285 rơbô tơmàn đong.

Cau mblàng Ndong Brawl