VOV4.K’ho- Cau sơ pơ̆ bơr Ƀộ Ngoại giao mò Lê Thị Thu Hằng tàm dơ̆ pơrjum mho ngai 22/9 yal, Củ tịc lơgar ồng Nguyễn Xuân Phúc geh ala mat kwang đơng lam bồ Đảng, dà lơgar Việt Nam tus bal dơ̆ bơyai lơh ies, tơp ƀồc dà lơgar Thủ tướng Nhờk lài do ồng Shinzo Abe tàm Tokyo, lơgar Nhờk bơh ngai 25 tus ngai 28/9 do.

Broă Củ tịc lơgar ồng Nguyễn Xuân Phúc ala mat kwang đơng lam bồ Đảng, dà lơgar Việt Nam tus bal dơ̆ tơp ƀồc dà lơgar Thủ tướng Nhờk lài do ồng Shinzo Abe ai tơnggŏ nùs nhơm, bơta cih dờp bơh kwang đơng lam bồ, làng bol Việt Nam dê gơ wèt mờ ală nùs nhơm, bơta tă pơgồp bơh Thủ tướng Nhờk lài do ồng Shinzo Abe dê tàm broă sơlơ tơnguh git gơp đah 2 lơgar, đơs nền bơta ki ngàm git gơp lơh broă bal jŏ jòng jrô ơnàng đah Việt Nam mờ Nhờk. Tàm tơngai at gơnoar broă, Thủ tướng Nhờk lài do ồng Shinzo Abe neh 4 dơ̆ còp Việt Nam, lời ai uă nùs nhơm mờ tă pơgồp kuơmàng tàm broă sơlơ tơnguh git gơp đah 2 lơgar bơtàu tơnguh niam, tơl làm tàm jơh ală gah broă lơh.

Cau mblàng K’Duẩn