VOV4.K’ho- Mang ngai 08/05, tàm Hìu đơs crih dờng Hà Nội, Tơrgùm ală mpồl jơnau cih đơs crih tam ya Việt Nam mờ Mpồl cau cih jơnau Việt Nam bơyai lơh Dơ̆ jàu Gai lòng Lơngăp lơngai is khà II ai cau bơceh jơnau nrĭ Hữu Thỉnh in mờ Broă lơh đơs crih tam ya “Cau bơceh jơnau nrĭ Hữu Thỉnh- Bơta kơ̆ kơl jăp bơh ù dê”.

Củ tịc lơgar ồng Nguyễn Xuân Phúc neh tus bal mờ jàu Gai lòng Lơngăp lơngai is khà II ai cau bơceh jơnau nrĭ Hữu Thỉnh in. Cau bơceh jơnau nrĭ Hữu Thỉnh deh nam 1942, măt tờm là Nguyễn Hữu Thỉnh, mat tơmoh cih jơnau là Vũ Hữu, là cau bơceh jơnau nrĭ, cau cih jơnau, cau tàm Mpồl cau cih jơnau Việt Nam bơh nam 1976, Kwang ătbồ Cau gơnoar cih mờ Kwang ătbồ Mpồl cau cih jơnau Việt Nam (4 tơngai lơh broă sùm). Ồng kung là Kwang bàng Quôk hội khoă X mờ khoă XI. Phan ƀàn dờng màng ngan rlau jơh geh dờp dơ̆ do là geh bơtơl tai bơta gơn kơnờm, jơh nùs lơh ngan nàng cau bơceh jơnau nrĭ Hữu Thỉnh pơn jăt tai tă pơgồp uă rlau tai; mơkung jờng rơ ală bơta kwơ jơnau cih đơs crih tam ya mờ cau bơceh jơnau nrĭ Hữu Thỉnh neh tă pơgồp ai rài jơnau cih dà lơgar he dê in tàm rlau 60 nam do.

Cau mblàng Lơ Mu K’Yến