Ala mat kwang đơng lam bồ Đảng, dà lơgar, Củ tịc lơgar ồng Nguyễn Xuân Phúc jờng rơ mờ nting bơr gờm chờ ală rơnàng kwang bàng, kông ñân viên, cau lơh broă THACO mờ ală cồng nha jak ngan geh pơn rơ tàm 25 nam crơng gơs mờ dờng pràn.

Bơh dùl mpồl lơh sa kă bro tac bro, lơh niam wơl rơndeh tàm Đồng Nai, tŭ do neh gơ gơs dùl Tập đoàn lơh phan mờ măi mok uă gah, uă bơta khà dùl bơh Việt Nam dê, geh bơta tă pơgồp kuơmàng ngan tàm bơta bơtàu tơnguh lơh sa dà lơgar. Củ tịc lơgar sồr ală tập đoàn lơh sa bơh Việt Nam dê, kờp bal mờ gah lơh sa gơ wèt gơnoar atbồ bơh dà lơgar mờ cau dùl nă să dê, pal lam lài tàm kơlôi sơnơng bơtàu tơnguh, ngui kông nghệ kao, mut tàm drà kă bro gùt plai ù, cèng wơl bơta tiơng pơn rơ ai mat kă bro dà lơgar bơh Việt Nam dê.