VOV4.K’ho- Drim ngai 04/08, Ƀộ Kwang àng bơyai lơh Dơ̆ dờp sră jờng rơ Khin cha jak chài mpồl phàu crong làng bol rài tam gơl pa ai dùl mpồl bơh mpồl Jòi sền jơnau ndơ̆p ndơr Kwang àng làng bol in. Củ tịc lơgar ồng Nguyễn Xuân Phúc tus bal mờ jàu sră jờng rơ Khin cha jak chài mpồl phàu crong làng bol.

Đơs tàm dơ̆ bơyai lơh, Củ tịc lơgar đơs sùm, broă dờp sră jờng rơ Khin cha jak chài dơ̆ do là bơta chờ hờp, pơñiờ să dờng ngan git lơh bơh jơh gùt mpồl Kwang àng làng bol dê đơs bal mờ mpồl Jòi sền jơnau ndơ̆p ndơr Kwang àng làng bol dê đơs is; đơs nền bơta cih dờp dipal bơh Đảng, Dà lơgar dê gơwèt mờ jơh ală broă lơh ngan, tă pơgồp ờ gŏ gĭt bòl glar bơh mpồl Jòi sền jơnau ndơ̆p ndơr Kwang àng làng bol dê.

Củ tịc lơgar pin dờn mpồl Jòi sền jơnau ndơ̆p ndơr Kwang àng làng bol geh ngai sơlơ dờng pràn, là mpồl cau tờm kwơmàng ngan, pin dờn ngan, dipal ngan mờ bơta pin dờn, kờñ gơboh bơh Đảng, Dà lơgar mờ Làng bol dê, là “tồr, mat” bơh Đảng dê bè Củ tịc Hồ Chí Minh kờñ gơboh neh geh tŭ bơto.

Cau mblàng Lơ Mu K’Yến