VOV4.K’ho- Củ tịc lơgar ồng Nguyễn Xuân Phúc pa geh dơ̆ lơh broă mờ Ƀan Thường vụ Tỉñ ủy Hưng Yên. Đơs đơng lam tàm dơ̆ lơh broă, Củ tịc lơgar ồng Nguyễn Xuân Phúc đơs tus ală bơta pràn bơh càr Hưng Yên dê hơ̆ là tiah tờm tiah ring dà dờng Hồng, ù tiah nđiơm gơs niam; gơ wèt tiah càr lơgar, gùng lòt ƀuơn ƀuài, geh bơta niam nàng bơtàu tơnguh drà kă bro.

Củ tịc lơgar ồng Nguyễn Xuân Phúc đơs tàm dơ̆ lơh broă

Tàm gùng dà bơtàu tơnguh mờr tus, Củ tịc lơgar ring bal mờ Đảng ƀộ càr bè broă rơ wah 3 bơta tam gơl pa kuơmàng là crơng gơs mờ đơng pơlam bơtàu tơnguh jat rơndap ù tiah càr; bơtàu tơnguh phan bơna lơh sa- mpồl bơtiàn, bơta tờm là phan bơna gùng lòt; bơt bơtàu mpồl kwang bàng geh tơl pràn jak, geh bồ tơngoh jak mờ mpồl cau lơh broă geh bơta niam uă. Đơs nền, lơh sa gơguh jơnhua, tă dia lơh geh cồng nha niam, mìng is nam do kờp dŭ geh 51 rbô tơmàn đông là pal geh ngan. Nàng lam lơh jat niam ală kơnòl broă ai tơlik, Củ tịc lơgar ồng Nguyễn Xuân Phúc sồr Đảng ƀộ càr Hưng Yên mờ ală anih lơh broă cíñ trị geh bơta lơh ngan uă rlau tai nàng tơl ci ƀộ, tơl nă làng bol tus bal lơh jat.

VOV Tây Nguyên-Cau mblàng K’Duẩn