VOV4.K’ho- Mho ngai 02/08, Củ tịc lơgar ồng Nguyễn Xuân Phúc lơh broă mờ kwang đơng lam bồ càr Đồng Nai. Tơnơ̆ tŭ Kwang đơng lam bồ ală ƀộ, ngàñ geh jơnau đơs, đơs tàm dơ̆ lơh broă, Củ tịc lơgar ồng Nguyễn Xuân Phúc đơs sùm gơnoar broă bơh Đồng Nai dê mờ đơs là broă lơh lơh sa mờ măy mok, măy mok lơh jơh lơm lơgar he digơlan geh gơtìp lơyài tŭ tơngai dilah ờ geh gơnoar broă gơn kơnờm gơcèng bơta tề lam bơh Đồng Nai dê mờ bàr pe càr tàm Tiah lơh sa pràn tàm tiah đah jum dà lơgar.

Củ tịc lơgar sồr càr Đồng Nai pal jòi ală bơta gơn kơnờm, broă lơh gơguh lơh sa pa, tài bơh dilah pơn jăt tai jăt tàm bơta kơlôi gơguh lơh sa bơh ală bơta gơn kơnờm lài do dê, tài bơh geh ờ tơl nàng lơh gơlik bơta bơtàu tơnguh mhar mờ tề lam gơguh lơh sa tiah do. Càr pal ơn lơh sa is làng bol dê tàm lơgar mờ lơh sa lơh broă bal di anih, lơh gơlik bơta ƀươn tàm broă dờp priă jền bè Kơrnoăt bơh Đảng dê nàng lơh gơlik bơta gơn kơnờm bơtàu tơnguh.

Den tàng bè hơ̆, Đồng Nai kờñ pal tam gơl pràn kơldang tàm bồ tơngoh kơlôi sơnơng mờ lơh broă, pal gơ gơs là dùl tiah lơh gơrề bơtàu tơnguh ai ală tiah gùt dar in, bè Bình Phước, Bình Thuận, Lâm Đồng ala tài pơn jăt tai mìng kơldìng tàm ƀòn dờng Hồ Chí Minh lơm.

Cau mblàng Lơ Mu K’Yến