VOV4.K’ho- Di tơngkah 77 nam Ngai bơhiàn mpồl Kwang àng làng bol (19/8), ngai 18/8, Củ tịc lơgar ồng Nguyễn Xuân Phúc, Kwang đơng lam bồ dờng ală mpồl phàu crong làng bol, Củ tịc Mpồl duh broă sền gàr dà lơgar mờ lơngăp lơngai lòt còp, lơh broă mờ Kụk sền gàr lơngăp lơngai lơh sa (Ƀộ Kwang àng). Ala mat kwang đơng lam bồ Đảng, dà lơgar, Củ tịc lơgar ồng Nguyễn Xuân Phúc pơyua tus jơh gùt ală rơnàng kwang đơng lam bồ ling klàng, sỹ quan, kwang bàng, cau ling kwang àng làng bol đơs bal, mpồl sền gàr lơngăp lơngai lơh sa đơs is ală nùs nhơm rềp mềr mờ jơnau nting bơr niam ngan rlau jơh di tơngkah 77 nam Ngai bơhiàn mpồl Kwang àng làng bol.

Củ tịc lơgar jờng rơ mpồl sền gàr lơngăp lơngai lơh sa neh di tŭ git gŏ, bơsong geh cồng nha ală broă kal ke gơlik geh tàm tŭ tơngai mut gơ rờm bal lơh sa dunia, gàr kơ̆ gơnoar lơngăp lơngai is, lơh tờm is, pơgồp bơnah sơrbì ală jơnau pơhìn tus lơngăp lơngai dà lơgar, sền gàr gùng dà, broă lơh bơtàu tơnguh lơh sa tàm uă gah kuơmàng.

Cau mblàng K’Duẩn