VOV4.K’ho- Pơn jat tai dơ̆ lơh broă tàm càr Quảng Ngãi, Củ tịc lơgar ồng Nguyễn Xuân Phúc geh dơ̆ lơh broă mờ Ƀan Thường vụ Tỉñ ủy Quảng Ngãi.

          Củ tịc lơgar ồng Nguyễn Xuân Phúc lơh broă mờ kwang đơng lam bồ tờm ngan càr Quảng Ngãi

Đơs tàm dơ̆ lơh broă, Củ tịc lơgar ồng Nguyễn Xuân Phúc đơs là, tàm bơta kal ke bè nam lài mơya gơnoar atbồ mờ làng bol Quảng Ngãi neh tam klac bal, ring bal lam lơh ală broă lơh dipal bơtàu tơnguh lơh sa- mpồl bơtiàn; bơsong uă broă ờ niam, jòi ală broă lơh bơtàu tơnguh mờ broă bơsong geh cồng nha. Ală jai pha tàm nam 2021 là bơnàng jă bơtàu tơnguh kuơmàng gơ wèt tus mờ Quảng Ngãi tàm tơngai tus. Tàm tơngai tus, Củ tịc lơgar sồr Đảng ƀộ, gơnoar atbồ mờ làng bol Quảng Ngãi tơnguh nùs nhơm bơhiàn kac màng, ngui bơta ƀuơn tơl làm dùl Việt Nam dềt nàng chồl pràn bơtàu tơnguh. Càr pal kờp sền wơl broă rơndap lài ù tiah tơrgùm bal mờ bơta niam mờ broă wèt sền jŏ tơngai tus nam 2050, anih lơh sa Dung Quất Quảng Ngãi tă pơgồp tàm rơndap sap sèng lơh sa kơ̆ kơljap.

Cau mblàng K’Duẩn