VOV4.K’ho - Drim òr (03/06), tàm gơlang Củ tịc, Củ tịc lơgar ồng Nguyễn Xuân Phúc lơh broă mờ Mpồl Khoa họk lịc sử Việt Nam. Ala măt kwang đơng lam Đảng, Dà lơgar, Củ tịc lơgar ồng Nguyễn Xuân Phúc pơn jờng, dờp ală cau jăk chài, ală cau lơh broă khoa họk, cau lơh broă kơlôi sơnơng lịc sử dà lơgar-do là ală cau neh mờ gam ai jơh bơta ngăc ngar, bơta pràn kơl dang nàng tơnguh bơtàu bơh khoa họk lịc sử đơs is kung bè broă bơ̆t bơtàu mờ sền gàr dà lơgar đơs bal.

                        Củ tịc lơgar ồng Nguyễn Xuân Phúc geh jơnau đơs tàm dơ̆ lơh broă

Đơs tàm dơ̆ lơh broă, tàm tơngai tus, Củ tịc lơgar kơ̆p kờñ Mpồl Khoa họk lịc sử Việt Nam ờ mìng kơlôi sơnơng mờ tơrgùm tàm lịc sử lơgar Việt Nam mờ gam kơlôi sơnơng, wă uă ngan lịc sử tàm tiah do mờ tàm dunia. Củ tịc lơgar kơ̆p kờñ ală cau jăk chài lịc sử sùm là ală cau tờm, ai bơta niam bơh lịc sử lơh lơh bơta niam, git ală bơta kwơ lịc sử mờ tơwèt rài tơnơ̆ do, kờñ gơboh mờ bơta ring lơngai, sền gàr bơta di, jơh nùs mờ broă drơng gàr Dà lơgar, ờ mìng là cau cih lịc sử mờ gam ai tơngŏ bơta niam bơh să tờm tàm rài bơ̆t bơtàu mờ sền gàr Dà lơgar Việt Nam rài Hồ Chí Minh.

Cau mblàng Ndong Brawl