VOV4.K’ho- Drim ngai 15/6, Củ tịc lơgar ồng Nguyễn Xuân Phúc đơng lam dơ̆ lơh broă mờ Thường vụ Tỉñ ủy Quảng Bình. Tơnơ̆ tŭ iat kwang đơng lam bồ càr yal mờ ală Ƀộ, gah broă lơh geh jơnau đơs, đơs đơng lam tàm dơ̆ lơh broă, Củ tịc lơgar ồng Nguyễn Xuân Phúc đơs, tơngai lài, Đảng ƀộ, gơnoar atbồ mờ làng bol càr neh tơnguh bơhiàn tam klac bal, lơh jat niam Nghị quyết pơrjum dờng Đảng ƀộ càr dơ̆ 17, lơh ngan ai càr he dê bơtàu tơnguh mờ broă lam lơh ngan ngồn.

Củ tịc lơgar ồng Nguyễn Xuân Phúc lơh broă mờ Thường vụ Tỉñ ủy Quảng Bình

Quảng Bình geh tơl bơta nàng bơtàu tơnguh bè ƀlàng rơndeh par, anih ơhò ơm, geh phan lời wơl ù tiah brê bơnơm geh is dunia, geh tiah nhàr dà lơgar, pal geh broă wèt sền jŏ jòng tàm bơtàu tơnguh. Tàm bơtàu tơnguh lơh sa mpồl bơtiàn tơrgùm jơh ală bơta, Củ tịc lơgar ồng Nguyễn Xuân Phúc đơs là, càr pal tơrgùm 4 tơngume tờm là nhơl chờ, lơh sa suơn sre ngac ngar, bơtàu tơnguh lơh sa mờ măi mok mờ bơtàu tơnguh kơ̆ kơljap jŏ jòng sùm lơh sa dà lềng. Tàm hơ̆, pal sền gròi tus làng bol tàm càr geh khà uă ngan là ơm kis tàm tiah lơh sa suơn sre, tiah ƀòn lơgar.

Cau mblàng K’Duẩn