VOV4.K’ho- Củ tịc lơgar ồng Nguyễn Xuân Phúc pa pơyoa sră jờng rơ ală làng bol geh broă lơh khin cha jak chài, dong klàs cau bŭ dà  tàm  càr Nghệ An mờ Hà Tĩnh.

Củ tịc lơgar tơngŏ bơta ngoh rơngăc ngan tŭ geh gĭt tŭ sền gŏ cau bŭ dà, ồng Nguyễn Hữu Hiền, Kwang atbồ Mpồl cau ling yau xã Thành Hoà, kơnhoàl Thanh Chương, càr Nghệ An mờ oh Nguyễn Văn Dương, kơnòm bơsram ơdŭ 8, Hìu bơsram kấp bàr Minh Lạc, kơnhoàl Cẩm Xuyên, càr Hà Tĩnh, ndrờm ờ rơngòt bơta sơbơng roh, di tŭ khin cha ntruñ tàm hiòng dà, lơh ngan jơh pràn he dê dơ̆ dùl dơ̆ hoài dŭi cau bŭ dà jun tus kềng gah dà, lơh dơ̆ sơm sồt, khồm nhơm mờ neh dong kis uă cau. Củ tịc lơgar jờng rơ uă ngan broă lơh bơh ồng Hiền mờ oh Dương dê mờ đơs loh do là ală krơh niam àng sơrdah bè nùs nhơm khin cha jak chài, nùs nhơm dong kờl cau, jrô ơnàng ngan bơhiàn niam chài rơgơi, kờñ gơboh jơi bơtiàn kòn cau Việt Nam dê, di pal geh jờng rơ, pà khà jờng mờ lơh gơ rề tàm mpồl bơtiàn.

Cau mblàng K’Hạnh