VOV4.K’ho - Lài mờ hơ̆, kung tàm ƀòn dờng Đà Nẵng, Củ tịc lơgar ồng Nguyễn Xuân Phúc, Củ tịc mpồl duh broă sền gàr bơta lơngăp lơngai dà lơgar neh tus còp, sền broă gàr rơcang tam dră di tàm satềp Ñâm Zần nam 2022 bơh Mpồl đơng lam Quân khu 5.

Đơs tờm Quân khu 5 là tiah tờm, 11 càr, ƀòn dờng mờ 922 kơi sồ gùng jòng jăt gah dà lềng, Củ tịc lơgar ồng Nguyễn Xuân Phúc sồr Quân khu lơh niam kơnòl gàr, rơcang tam dră tàm bơta geh uă bơta ni sơna, bơta lơngăp lơngai ờ bè ờs gơrềng tus mờ broă sền gàr bơta lơngăp lơngai dà lơgar. Củ tịc lơgar sồr Đảng ủy, Mpồl đơng lam ling klàng sền wơl, pơn jăt tai lơh niam broă drơng gàr satềp cau ling, hìu nhă cau geh sră dong kờl bơh dà lơgar, cau gơtìp kal ke tàm ƀòn dờng, tàm hơ̆ uă ngan là tàm tiah kơh bơnơm, tiah nhàr dà lơgar, tiah bồt dà lềng; lơh niam rơlao tai broă kis git jơnau git adăt, broă dong kờl ling klàng.

Cau mblàng Ndong Brawl