VOV4.K’ho - Mho òr (23/01), Củ tịc lơgar ồng Nguyễn Xuân Phúc neh tus còp, lơh broă mờ Mpồl kwang bàng Quốk hội ƀòn dờng Hồ Chí Minh.

      Củ tịc lơgar ồng Nguyễn Xuân Phúc lơh broă mờ Mpồl kwang bàng Quốk hội ƀòn dờng Hồ Chí Minh

Đơs tàm do, Củ tịc lơgar ồng Nguyễn Xuân Phúc sồr Mpồl kwang bàng Quốk hội ƀòn dờng yă pràn ngan ală broă lơh gơtìp ờ sŭk ơm tàm mpồl bơtiàn, tìs mờ adăt boh lam uă ngan tàm ƀòn dờng, tàm hơ̆ uă ngan là ală broă lơh ờ di mờ nùs nhơm mpồl bơtiàn, tam lơh pù pờng kơnòm dềt bè pa do. Củ tịc lơgar kung sồr Mpồl kwang bàng Quốk hội ƀòn dờng sền gròi, sền gròi gah lơh sa mpồl bơtiàn, lơh gơs thể cế adăt boh lam, tàm hơ̆ uă ngan là tơnơ̆ mờ ală broă bè tăc cổ phiếu ờ di, ai tơlik khà priă ù pa do. Củ tịc lơgar kung sồr Mpồl kwang bàng Quốk hội ƀòn dờng Hồ Chí Minh lơh jăt nền nòn gùng dà, broă lơh bơh Đảng, adăt bơh lam bơh Dà lơgar, tơnguh uă kơnòl tềng đăp mờ Đảng, tềng đăp mờ cau tĕ khà bal mờ làng bol; tơnguh sùm nùs nhơm kơ̆ dơn cíñ trị; chồl pràn lơh gơs thể cế, adăt boh lam nàng adăt boh lam ờ gơtìp sơgràm, ờ gơtìp wă ờ di, cèng wơl cồng tàm mùl màl.

Cau mblàng Ndong Brawl