Đơs jơnau tàm dơ̆ tìp, Đại sứ lơgar Hàn Quốk tàm lơgar Việt Nam pà git, Củ tịc lơgar ồng Nguyễn Xuân Phúc là cau năc jà kấp Dà lơgar sơnrờp ngan bơh Gơnoar atbồ Kwang atbồ ồng Yoon Seuk-yeol dê, bơh tŭ hơ̆ gơtùi gŏ lơgar Hàn Quốk geh sền kwơ ngan bơta git gơ̆p lơh bơyô bal lơh broă bal mờ lơgar Việt Nam.

Đah lơgar Hàn Quốk kơ̆p kờñ ngan dơ̆ tus còp bơh Củ tịc lơgar mờr tus geh pờ bơta niam lơh broă bal tàm uă gah broă đah bàr lơgar dê, tàm hơ̆ uă ngan là bơ̆t bơtàu lơh broă bal bè broă ai phan geh is mờ kĭ hơ bal mờ uă sră nggal tàm ală broă ndai. Củ tịc lơgar ồng Nguyễn Xuân Phúc pà git dơ̆ tìp do geh lơh gơguh bơta đềt mềr, git wă bal, là dơ̆ nàng Củ tịc lơgar kung bè Kwang đơng lam ală anih lơh broă lơgar Việt Nam wă rơlao tai bè nùs nhơm, kơnau kơ̆p kờñ bơh mpồl bơtiàn cau lơgar Hàn Quốk dê.