Cau jak cih jơnau kơnòm să oh Nguyễn Bình tơlik nùs nhơm ki ngàm geh Củ tịc lơgar ồng Nguyễn Xuân Phúc pơndờm pơnđiang, tơngŏ bơta sền gròi bơh kwang đơng lam bồ Đảng, Dà lơgar mờ să tờm Củ tịc lơgar dê tus mờ rơnàng kơnòm să. Nguyễn Bình sơnđờm cih jơnau bơh tŭ 8 sơnam, geh nùs nhơm bơsram is mờ tus tŭ do neh chài ngan uă dà đơs, tàm hơ̆ geh bal dà đơs yau bơh dunia dê nàng kờñ mblàng ală jơnau cih pơnrơ mờr di ngan mờ jơnau cih bơh sơnrờp bơh ală cau cih bơh uă rài lài dê. Nguyễn Bình tŭ do gam kơ̆p kờñ ngan lơh bàr pe rơndăp lơh cih jơnau, tàm hơ̆ kờñ ngan cih yal yau bè Việt Nam nàng bơh hơ̆ ai rùp să, dà lơgar, kòn bơnus Việt Nam, tàm hơ̆ geh ală cau kah yau bơh Việt Nam dê, tus mờ dunia. Tàm dơ̆ tìp măt, Củ tịc lơgar ồng Nguyễn Xuân Phúc kơ̆p kờñ Nguyễn Bình pơn jăt tai bơsram, kơlôi sơnơng, geh uă jơnau cih niam, geh kwơ, tă pơgồp ai rài cih jơnau dà lơgar in kung bè pơn jăt tai yal tơngĭt rùp să, bơta niam chài mờ kòn bơnus Việt Nam tus mờ dunia.