VOV4.K’ho- Ngai 11/5, tàm ƀòn dờng Hồ Chí MInh, Củ tịc lơgar ồng Nguyễn Xuân Phúc bal mờ Mpồl kwang bàng Quôk hội ƀòn dờng Hồ Chí Minh neh tìp mat cau tĕ khà ƀòn dờng tàm ală kơnhoàl Củ Chi, Hóc Môn, ƀòn dờng Thủ Đức jơh bal broă lơh tìp mat tơn mờ pờ tơlik tàm internet. Đơs tàm pơrjum, Củ tịc lơgar ồng Nguyễn Xuân Phúc đơs niam cau tĕ khà ƀòn dờng Hồ Chí Minh neh đơs tus uă broă jơh nùs ngan gơ wèt tus mờ bơtàu tơnguh bơh ƀòn dờng mờ gùt lơgar dê.

Củ tịc lơgar ồng Nguyễn Xuân Phúc tìp mat cau tĕ khà ƀòn dờng Hồ Chí Minh

Tàm pơrjum, Củ tịc lơgar ồng Nguyễn Xuân Phúc sồr kwang đơng lam bồ ală tiah mờ ƀòn dờng Hồ Chí Minh hơ tơn ală broă mờ cau tĕ khà dê đơs, mờ kung geh broă lơh pơn jat tai nàng hơ cau tĕ khà in mùl màl ală broă gam ờ niam. Cau tĕ khà đơs niam ală kwang bàng Quôk hội ƀòn dờng Hồ Chí Minh neh geh uă broă lơh ngan ngồn, iat jơnau đơs cau tĕ khà ƀòn dờng dê nàng rơcang lài ală tơngume lài mờ pơrjum dơ̆ 3, Quôk hội khóa 15. Gơ wèt mờ ală broă dờng bơh dà lơgar dê, cau tĕ khà ai tơnggŏ bơta sền gròi tus cồng nha Pơrjum Đảng dà lơgar dơ̆ 5, khóa 13, tàm hơ̆ geh broă bè ù tiah, pơn jat tai tơnguh broă rơcang sơndră sa kuề sa kuà ờ geh tiah kơryan.

Cau mblàng K’Duẩn