VOV4.K’ho- Ngai 10/10, tàm Hìu duh broă Củ tịc, Củ tịc lơgar ồng Nguyễn Xuân Phúc tìp măt kwang đơng lam bồ mpồl lơh sa kă bro Dà lơgar dê pơnrơ jak tàm broă lơh sa kă bro mờ bơ̆t bơtàu Đảng. Đơs tàm dơ̆ tìp măt, Củ tịc lơgar ồng Nguyễn Xuân Phúc đơs sùm, mpồl lơh sa kă bro Dà lơgar dê ờ mìng bơsong ală bơta lòng bơtàu tơnguh lơh sa- mpồl bơtiàn mờ gam là “bồng bi” sền gàr jơnau kơ̆p kờñ mờ gùng lòt củ nghĩa xã hội.

Củ tịc lơgar ồng Nguyễn Xuân Phúc cùp rùp lơh kir sơnrai mờ kwang đơng lam bồ ală tập đoàn, tổng kông ty

Củ tịc lơgar ồng Nguyễn Xuân Phúc sồr Đảng ủy Gah mpồl lơh sa kă bro kâp Dà lơgar tàm tơngai tus pal pơn jăt tai bơsram mờ sồr lơh jăt niam ală Kơrnoăt, jơnau sồr lơh bơh Đảng dê; lơh pràn broă lơh bơ̆t bơtàu Đảng; lơh pràn kơldang broă lơh mpồl đảng pal lơh ndrờm bal mờ broă lơh, jơnau sồr lơh jăt kơnòl broă bơh mpồl lơh sa kă bro dê jăt gùng dà broă lơh dipal. Bè bàr pe kơnòl broă tàm tơngai tus, Củ tịc lơgar ồng Nguyễn Xuân Phúc sồr, mpồl kwang bàng đơng pơlam, ală anih ătbồ pal geh pồ tơl lơh niam wơl, đòm jăt ală jơnau sồr ătbồ jak chài pa rài do, bơto bơtê, tề lam, bơto mpồl cau lơh broă geh tơl nùs nhơm niam mờ bồ tơngoh jak, lơh tam gơl wơl ală broă rơndăp tăp sèng, tơnguh uă nùs nhơm rơcăng is mờ lơh glài nàng tơnguh bơta pràn jak tàm pơrlòng bơh tập đoàn, tổng kông ty dê.

Cau cih VOV Tây Nguyên- Cau mblàng Lơ Mu K’Yến