VOV4.K’ho - Drim òr (17/05), tàm gơlang Củ tịc, Củ tịc lơgar ồng Nguyễn Xuân Phúc tìp măt Mpồl cau ala măt cau geh bơngă pin dờn tàm làng bol kòn cau càr Tuyên Quang.

Củ tịc lơgar ồng Nguyễn Xuân Phúc tìp măt Mpồl ala măt cau geh bơngă pin dờn tàm làng bol kòn cau càr Tuyên Quang

Tàm dơ̆ tìp măt, Củ tịc lơgar đơs, Đảng, Dà lơgar sùm sền broă kòn cau là kơnòl broă lơh jŏ jòng tàm broă lơh bơh kăc màng dà lơgar he, neh lơh jăt uă broă lơh dờng tơnguh bơtàu lơh sa-bơta chài rơgơi-mpồl bơtiàn, gàr dà lơgar bal mờ bơta niam lơngăp lơngai tàm tiah làng bol kòn cau mờ tiah kơh bơnơm, nàng kờñ tơnguh rài kis phan bơna mờ nùs nhơm làng bol ală kòn cau mờ lơh ngan tơmù bơta ờ ndrờm bal tơnguh bơtàu đah tiah kơh bơnơm mờ tiah ring. Tàm tơngai tus, Củ tịc lơgar ồng Nguyễn Xuân Phúc sồr ală ƀộ, gah lơh broă dà lơgar bal mờ ală càr, ƀòn dờng, tàm hơ̆ geh càr Tuyên Quang tơrgùm tơmù ală bơta kal ke, ờ pràn; bơtơl, lơh gơs broă lơh nàng tơnguh rơlao tai gơnoar bơh ală cau geh bơngă pin dờn tàm tiah làng bol kòn cau, pơgồp bal tàm broă lơh geh cồng nha broă kòn cau bơh Đảng mờ broă kòn cau bơh Dà lơgar tŭ do dê.

Cau mblàng Ndong Brawl