VOV4.K’ho - Di tơnkah 67 nam ngai cau lơh sơnơm Việt Nam, drim òr (27/02), Củ tịc lơgar ồng Nguyễn Xuân Phúc tìp măt Mpồl kwang bàng ala măt Ƀộ Y tế geh pơnrơ jăk gùt lơgar.

                                           Củ tịc lơgar còp să mpồl cau lơh sơnơm

Ala măt kwang bàng đơng lam Đảng, Dà lơgar, Củ tịc lơgar ồng Nguyễn Xuân Phúc pơyoa tus 150 nă kwang bàng ala măt cau lơh sơnơm geh pơnrơ jăk tàm broă sền gàr mờ drơng gàr bơta pràn kơl dang să jan làng bol, mờ pơyoa jơnau còp să đềt mềr mờ jơnau chờ gờm niam bơnĕ ngan tus jơh gùt kwang bàng, kông cứk, viên cứk, cau lơh broă tàm gah lơh sơnơm. Củ tịc lơgar đơs niam gah lơh sơnơm 67 nam do neh geh uă cồng nha niam, là dùl tàm ờ uă ală lơgar geh broă lơh sơnơm tơl tus tàm ală ƀòn, gàr niam broă ai tơl ală broă lơh sơnơm ală làng bol in. Củ tịc lơgar sồr tơnkah mpồl cau lơh sơnơm pal pơn jăt tai bơsram tàp bơta jăk chài, bơtơl bơta ngăc ngar tàm broă lơh nàng di pal mờ jơnau kờñ sơm kòp ai làng bol in.

Cau mblàng Ndong Brawl