Củ tịc lơgar đơs, ală broă tă pơgồp dờng màng ngan bơh mpồl ling phào crong làng bol dê, mờ bơta tờm là Ling klàng làng bol Việt Nam khin cha jăk chài, tàm hơ̆ geh Sư đoàn 341. Bơta khin cha jăk chài bơh Sư đoàn pơgồp bal mờ dơ̆ tam lơh tơnklàs dà lơgar, tam lơh sền gàr tiah nhàr dà lơgar đah jum măt tơngai mŭt Dà lơgar, lơh kơnòl dunia tàm lơgar Campuchia.

Đờm jăt bơhiàn 50 nam bơh mpồl Khin cha jăk chài, tàm tơngai tus, Củ tịc lơgar ồng Nguyễn Xuân Phúc sồr Đảng ủy, mpồl đơng lam bal mờ gùt Sư đoàn 341 pơn jăt tai bơsram tàp nùs nhơm, bơsram tàp bơta jăk chài, lơh geh cồng nha jăk chài ngan, tơrgùm bơ̆t bơtàu Đảng ƀộ Sư đoàn kloh niam pràn kơl dang, bơ̆t bơtàu mpồl ling pràn kơl dang tơl ală bơta, sền gròi bơ̆t bơtàu bơta jăk chài, atbồ di mờ adăt boh lam. Sư đoàn pal geh gùng dà đơng lam di pal, bơyai lơh geh cồng nha kơnòl geh jào.