VOV4.K’ho - Củ tịc lơgar ồng Nguyễn Xuân Phúc pa tus bal broă lơh “Ram nùs nam pa-nam 2022” àm ƀòn dờng Thủ Đức, ƀòn dờng Hồ Chí Minh.

                               Củ tịc lơgar ồng Nguyễn Xuân Phúc geh jơnau đơs tàm pơrjum

Củ tịc lơgar ồng Nguyễn Xuân Phúc bal mờ mpồl kwang bàng lơh broă neh pà 900 pò phan chờ gờm nam pa ai ală kơnòm dềt kòn đời tài bơh kòp Kovid-19, mpồl y, bác sĩ, kwang bàng sơnah ƀòn, mpồl ƀòn tus bal tàm tiah sơnrờp tam dră mờ kòp gơtờp mờ kông ñân lơh broă tàm ƀòn dờng Thủ Đức. Tổng Liên đoàn Lao động Việt Nam mờ ờ uă mpồl lơh sa kă bro kung geh ală pò phan pà nam pa pơyoa tus ală kơnòm dềt bal mờ mpồl kông ñân lơh broă in. Đơs tàm broă lơh do, Củ tịc lơgar ồng Nguyễn Xuân Phúc đơs niam broă ƀòn dờng Hồ Chí Minh rơcang, bơceh lơh, geh uă broă lơh drơng gàr satềp cau rơƀah, cau geh rài kis gơtìp kal ke tàm ƀòn dờng mờ khà priă uă. Mờ kơ̆p kờñ, tơnơ̆ mờ tŭ neh ơm rơlôi satềp, mpồl kông ñân, cau lơh broă tàm ƀòn dờng Hồ Chí Minh tus bal pơrlòng, lơh broă sa.

Cau mblàng Ndong Brawl