VOV4.K’ho- Mang ngai 30/06, tàm kơnhoàl Ba Tri, càr Bến Tre neh geh lơh Dơ̆ tơngkah kir sơnrai 200 nam Ngai deh Cau tiơng pơnrơ Nguyễn Đình Chiểu; 30 nam Ngai bơhiàn niam chài càr Bến Tre. Tus mờ đơs tàm dơ̆ bơyai lơh, Củ tịc lơgar ồng Nguyễn Xuân Phúc đơs loh, Nguyễn Đình Chiểu neh sơrlèt gan bơta lòng, bơta kal ke bơh rài kis dê mờ gơ gơs là dùl nă cau lơh sơnơm jak, dùl nă cau pơgru jơh nùs jơh tồr mờ dùl nă cau bơceh jơnau nrĭ lam lài tàm srơh tam dră mờ bol sò tơm sơgràm phà dà lơgar he.

Củ tịc lơgar ồng Nguyễn Xuân Phúc tus bal dơ̆ bơyai lơh

Củ tịc lơgar chờ hờp sền gŏ bơta tam gơl, bơtàu tơnguh mhar ngan bè lơh sa- mpồl bơtiàn, ngan là tàm tơngai pa do, Đảng ƀộ càr Bến Tre geh uă broă lơh ngan sơrlèt gan kal ke, hòi tơrgùm uă bơta pràn ai bơcri priă bơtàu tơnguh in, uă broă lơh, rơndăp broă lơh gam geh bơcri priă lơh bè broă lơh rbàng Rạch Miễu 2, ală broă lơh đèng càl...; uă srơh dùl nùs bal sơnđờm lơh pa bè lơh sa gam lam lơh tàm ƀòn lơgar tờm cau pơgru Chiểu dê, pơgồp bơnah tàm ală cồng nha lơh geh bal bơh dà lơgar dê.

Cau mblàng Lơ Mu K’Yến