Đơs tàm dơ̆ bơyai lơh, Củ tịc lơgar ồng Nguyễn Xuân Phúc đơs nền: Anih ơhò ơm Liên Chiểu geh là bơta niam tiơng pơn rơ lơh gơlik bơta tam gơl pa ờ mìng gơ wèt mờ gah pơndiang phan, Logistics mờ gah nhơl chờ mờ broă drơng ala Đà Nẵng dê kung geh dờp kuơ sơl, lơh gơlik mpồl kă bro dunia uă bơta, li la, rề ơnàng ù tiah bơtàu tơnguh ờ mìng ai Đà Nẵng in mờ gam ai jơh gùt tiah tàm gùl lơgar in tai; sền gàr dà lơgar, sền gàr bơta lơngăp lơngai, gàr kơ̆ tiah nhàr dà lơgar bơh dà lơgar dê in.

Củ tịc lơgar tơngkah, do là rơndap broă lơh dờng, jơh bal bè broă lơh mờ priă bơcri, gơ rềng tus 4 rbô 324 hìu bơnhă làng bol den tàng pal lơh mhar, lơh gờñ, lơh kơ̆, lơh niam nàng làng bol in mhar gàr niam rài kis; bơnah broă sền sơ wì, chul chồl, bơsong kòl yal là kuơmàng ngan.