VOV4.K’ho- Wèt tus tơngkah kir sơnrai 74 nam Ngai Củ tịc Hồ Chí Minh geh Jơnau hòi jà tàm pơrlòng kờñ gơboh dà lơgar, 60 nam Ngai bơhiàn mpồl Kảñ sát làng bol, mang ngai 05/06, di Ngai tơngkah kir sơnrai 111 nam Wa Hồ lòt jòi gùng dong klàs dà lơgar, tàm Kung Niam chài lơh broă lơh bơyô bal Việt- Xô, tàm Hà Nội, Ƀộ Kwang àng bơyai lơh Broă lơh tìp măt lơh kwèng đơs crih tam ya, jờng rơ Kwang ătbồ Kwang àng xã pơnrơ “kis tàm nùs nhơm làng bol”.

Tus mờ đơs sồr lơh tàm dơ̆ bơyai lơh, Củ tịc lơgar ồng Nguyễn Xuân Phúc jờng rơ ngan Đảng ủy Kwang àng Dà lơgar, Ƀộ Kwang àng neh lơh jăt niam Kơrnoăt Ƀộ Cíñ trị dê bè pơn jăt tai tam gơl pa, rơndăp tăp sèng mpồl lơh broă Ƀộ kwang àng tơl cau, lơh broă jak mờ geh cồng nha; mờ Kơrnoăt sồ 42 bơh Cíñ phủ dê sồr broă bơ̆t bơtàu kwang àng xã, thị trấn cíñ quy. Jăt mờ hơ̆, mpồl Kwang àng làng bol geh lam lơh mờ lơh broă jăt puan kâp, mờ gùng dà ƀộ geh tơl cau lơh broă, càr pràn, kơnhoàl tơl làm, xã ơm rềp mờ ƀòn lơgar, tàm hơ̆ neh lơh sir broă ai Kwang àng cíñ quy dờp lơh gơnoar broă Kwang àng xã tàm jơh gùt lơgar.

Cau mblàng Lơ Mu K’Yến