VOV4.K’ho - Drim òr (30/08), tàm Hà Nội, Củ tịc lơgar ồng Nguyễn Xuân Phúc tus Pơrjum dơ̆ 11 Mpồl Cữ thập đỏ Việt Nam. Tàm pơrjum dờng, Mpồl Cữ thập đỏ Việt Nam neh ring bal pơn jờng Củ tịc lơgar ồng Nguyễn Xuân Phúc là Củ tịc pơnyờ să bơh Mpồl cữ thập đỏ Việt Nam dê.

Củ tịc lơgar ồng Nguyễn Xuân Phúc kŭp rùp bal mờ kwang bàng đơng lam Mpồl cữ thập đỏ Việt Nam tơngai bơh nam 2022 tus 2027

Đơs tàm pơrjum dờng, Củ tịc lơgar ồng Nguyễn Xuân Phúc pơn jờng, đơs niam Mpồl Cữ thập đỏ Việt Nam neh tơnguh gơnoar tờm tàm broă dong kờl kòn bơnus, pơgồp bal bơh git nđờ jơ̆t rơbô cau geh nùs nhơm niam tam pà bal, lơh broă nùs nhơm dong kờl nàng geh uă, gơguh uă tus git nđờ tơlăk broă lơh dong kờl is. Đơs tus mờ ală bơta tơlòng gơwèt mờ lơgar he tàm tơngai tus, Củ tịc lơgar ồng Nguyễn Xuân Phúc đơs là, bơta do pal geh pơn jăt tai broă tus bal, dong kờl bal bơh gùt mpồl bơtiàn, mờ kờñ geh broă tam gơl pa tơngu me broă lơh, gùng dà broă lơh bơh Mpồl Cữ thập đỏ Việt Nam dê.

Cau mblàng Ndong Brawl