VOV4.K’ho - Di bồ nam pa, drim òr (07/02), hơ̆ là ngai 07 nhai 01 nam Ñâm Zần, Củ tịc lơgar ồng Nguyễn Xuân Phúc tus mờ lơh jăt broă lơh chờ tịc điền tàm xã Tiên Sơn, thị xã Duy Tiên, càr Hà Nam.

Củ tịc lơgar ồng Nguyễn Xuân Phúc chu ñàng kah kơlôi Yàng lơh sa suơn sre mờ bơtau Lê Đại Hành tàm dơ̆ lơh chờ Tịc điền

Tàm dơ̆ lơh chờ Tịc điền Đọi Sơn nam 2022, Củ tịc lơgar đơs tờm, tàm bơta rềs àr bơh kòp gơtờp, tàm hơ̆ uă ngan là kòp kovid-19 tàm nam 2021, broă lơh sa suơn sre, ƀòn lơgar bơh lơgar he dê dùl dơ̆ tai gàr niam broă lơh geh tơl phan sa, ai geh bơta pràn ring niam rài kis làng bol lơgar Việt Nam in. Pơn jăt mờ hơ̆, Củ tịc lơgar ồng Nguyễn Xuân Phúc, kwang đơng lam Đảng, Dà lơgar, càr Hà Nam bơyai lơh chu ñàng kah kơlôi yàng lơh sa suơn sre mờ bơtau Lê Đại Hành. Nam Ñâm Zần 2022 kung là dơ̆ tơnkah 1035 nam (987-2022) bơtàu Lê Đại Hành rê lơ-òr sre tịc điền, pờ geh broă lơh chờ tơnơ̆ do in.

Cau mblàng Ndong Brawl